Moskva vilayətində məktəbdə fişəng partlayıb: Yaralılar var

Rusiyanın Moskva vilayətində məktəbdə sinif otağında fişəng partlayıb.

Oxu.Az-ın xəbərinə görə, bu barədə "SHOT" "Telegram" kanalı məlumat verilib.

Məlumata görə, İstra şəhərində baş verən hadisədə 9 şagird yaralanıb.

Bildirilib ki, məktəblilərdən biri fişəng gətirib və sinifdə partladıb. Nəticədə bir neçə uşaq xəsarət alıb. Yaralananlardan biri, 11 yaşlı məktəbli qız tüstüdən zəhərlənmə diaqnozu ilə xəstəxanaya yerləşdirilib.